【本報訊】人稱「的士判官」、正義感爆棚的司機Tommy，昨清晨駕駛其的士在中環街頭上客遭警員抄牌，他坦言自知理虧準備交出駕駛執照之際，一名新紮師兄卻在旁叫囂：「我係差人，呢度我話事……」更強拉其安全帶。Tommy嬲爆報警，最後雖由其他警員調停下不作追究，但不忘奉勸惡警檢討態度，禮待市民。
現年53歲的Tommy，事後餘怒未息繼續炮轟，「咪以為自己係差人，着住套制服去鬧市民，（咁做）十分唔應該」。任職的士司機24年，Tommy直言一向奉公守法，對馬路上不平事看不過眼，以往「兩日打一次999，家改打1823（政府熱線）」，因此被同行稱為的士判官。
年輕警：呢度我話事
昨清晨4時許，他到中環德己立街等候一名女熟客，女熟客登車時，兩名警員現身指他阻街喝令他開車，否則抄牌。Tommy說，兩警員大叫「停車，畀身份證同車牌我」，他不滿警員態度差，「佢哋叫個客落車，上前面架車，跟住搵手扯我嘅安全帶」。一名年輕警員更大叫：「我係差人，呢度我話事。」Tommy不滿報警，他指警察報案中心接線生亦聽到惡警的晦氣話。
稍後警長到場調停。Tommy估計，該年輕惡警初出學堂，最後在警長好話說盡下，他決定不作投訴，以免影響該警員前途，但希望他學懂禮貌對待市民。