中國保綠資產（397）太陽能業務，開始步入收成期，趁股價仲喺半年低位買入，博佢發熱發亮。保綠嘅綠色環保股中唔起眼，但集團09年已開展太陽能光伏業務。旗下合營公司位於鄭州光伏組件生產線，喺上年10月搞掂晒，已經埋位投產。
又保綠喺上年11月，以5億銀收購鉑陽（566）CB。後邊鉑陽，同樣投資太陽能光伏業務，啱公佈2010年度業績，就爆升近4倍到近12億銀。保綠投資落呢個超吸引同業身上，一旦落實兌換股份，中線嚟自鉑陽股本增值，保綠肯定肥過肥仔水。趁保綠喺半年低位，股價反映收成期利好因素前，吼吼無妨，博保綠上番1倍PB到0.25元，現價0.174元，升幅43%。
景福博反彈見2蚊
景福（280）4個幾月累跌50%，金飾股當中，景福都算殘。又景福現價1.7元，PB0.8倍，市場裏面同業PB，部份更上到4、5倍水位，講PB，景福吸引。又2010年下半年，香江零售消費繼續好景，照計景福2011年度（3月底止）全年業績唔太曳。呢轉博反彈，上望兩成升幅，見2蚊，景福PB仲喺1倍樓下。
錢雋