蔡楓華（Ken）上月回歸復出開個唱，反應空前熱烈，據悉三場個唱已為Ken帶來30萬元進賬，再加上稍後巡迴演出，Ken一年內坐底可賺100萬。不過，昨日有消息指03年領綜援過活的Ken，原來賺到錢後仍未取消綜援，每月仍要納稅人供養，其好友盧敏儀（Money）昨跟Ken了解過後回應說：「如果佢真係有呃綜援就會俾人告啦，佢都冇俾人告。」
曾以一曲《倩影》紅透半邊天的蔡楓華，90年代因事業滑落以致行為變得怪異，03年更被指失業多時經濟陷入困境而要領取3千多元綜援過活。直至上月底，Ken終在好友盧敏儀相助下重新振作，於九龍灣國際展貿中心連開三場「全心支持蔡楓華All4Ken演唱會」，並取得空前成功，場場爆滿，據悉三場個唱已為Ken帶來30萬元收入。至大前晚Ken獲邀到中大做校園騷，場面更如巨星駕到般哄動，一次又一次的成功，對重新出發的Ken而言，無疑是強心針。
盧敏儀撐冇俾人告
不過，人紅自然是非多，昨日本報接獲讀者爆料，指Ken賺到錢後原來未有取消綜援。讀者聲稱從社署工作朋友口中得知，Ken收到歌酬後仍不肯取消綜援，而Ken方面竟解釋歌酬要留待稍後使用，估計有可能是指紅館個唱，但爆料讀者指Ken現時有賺錢能力仍領綜援，對納稅人而言實在有欠公平。
其實今年2月Ken為九展個唱舉行記者會時，曾被傳媒追問是否經濟出現問題要靠綜援過活，但當時阿Ken強調沒有此事。昨日記者致電盧敏儀，欲了解Ken還未取消領綜援一事。Money向Ken了解過後回覆說：「我哋都有特登問過Ken，但其實如果佢真係有呃綜援就會俾人告啦！」究竟有或冇？Money不置可否說：「佢都冇俾人告。」
美夢成真入紙紅館
Ken在九展個唱後計劃進軍紅館一償數十年心願，以及計劃到外地巡迴演出。Money承認有不少人有興趣邀Ken做騷說：「Ken出番嚟之後都好多人搵佢做騷同巡迴演唱等等，但因為當時都好忙，要籌備演唱會，家開始傾番，據我理解，家傾緊廣州、加拿大同澳門等等，相信仲會有好多人搵佢，我哋都會幫佢手。嚟緊做紅館唔係淨係我哋，今次（指Ken九展個唱）同大名同盛泰文化都合作得好好，會由大名入紙（紅館），我哋都會參與。」
記者問Ken未來一年能否賺夠100萬時，Money說：「大家咁錫佢，如果佢乖乖哋，嚟緊佢賺多過100萬都唔定。希望佢乖乖哋儲埋啲錢慢慢用，一個人有嘢做好緊要，希望佢繼續唱歌唱好啲。」
據知Ken完成三場個唱後已有30萬收入，而大前晚中大騷擔任表演嘉賓，Ken象徵式收取歌酬也逾萬元。至於外地巡迴騷方面，Ken每場約收10多萬，所以一年內他要賺夠100萬絕非難事。
採訪：林妃
浮生路：不再空虛
51歲的蔡楓華80年代憑高大俊朗外形及靚聲成歌影視播四棲紅人，一曲《倩影》更令他紅透半邊天獲封紅唇王子。儘管「剎那光輝唔代表永恒」事件後，蔡楓華仍憑《絕對空虛》闖高峯，但之後事業滑落，言行也變得怪異。直至早前在好友盧敏儀幫助下在九展開騷，重新振作，半百人生再現風華。
