黃德斌點睇都唔似識煮嘢食，佢噚日去將軍澳電視城為無綫節目《新派煮意》做嘉賓錄影，好老實話大多數係女朋友整。既然有個下廚佳嘅女友，咁黃德斌幾時先娶對方過門？佢話：「等佢再煮叻啲先，暫時大家都未有計劃。」講到殼王陳國強等人正式加盟無綫董事局做新老闆，黃德斌話：「希望可以有多啲新元素，等公司賺多啲可以加人工。」