蔡楓華（Ken）繼早前圓滿演出三場個唱後，前晚又到中大擔任聯歡會的表演嘉賓，獲近300大學生歡呼吶喊舉紙牌歡迎，自信回歸兼越來越正常的Ken即抓緊機會，叫學生們加入其歌迷會，又問人是否支持他去紅館開騷，可謂甚懂宣傳之道。Ken又否認與孫敬安為錢反目，並謂大家目標一致是送他入紅館。
蔡楓華日前在九展成功舉行三場個唱，人氣飆升，他前晚又獲邀到中文大學的新亞書院聯歡晚會任壓軸表演嘉賓，獲大學生熱烈歡迎。前晚Ken在盧敏儀及兩助手陪同下到達中大，排場與上位藝人無異，現場近300學生見他即蜂擁靠近，有人大聲吶喊，有人舉紙牌助威，好不熱鬧。
學生自稱偶像派
Ken獻唱《絕對空虛》及《也許》兩曲，其間他甚識做地上前與學生們握手，又說：「好少歌手做完演唱會會出嚟唱校園，大家唔識唱嘅家學識，識嘅一齊唱，歡迎你哋加入我嘅歌迷會。」
自從「自信心返晒嚟」之後，Ken說話也相當有紋有路，他搞笑說自己是偶像派，又謂：「你哋冇去StarHall係你哋嘅損失，如果我喺紅館開演唱會，你哋支唔支持呀？」學生們反應甚佳，又大叫encore，最後Ken多唱一首歌才完騷。
盧敏儀澄清冇不和
事後Ken接受訪問，談到與孫敬安為錢反目，Ken說：「孫敬安係我好朋友，我哋會繼續合作落去，紅館冇話唔做，全部人都想我去，係我多年心願。」至於車淑梅指他的眼睛是創傷後青光眼，Ken表示戴黑超是其新形象，又謂：「我望到你即係冇事啦。」
盧敏儀接受訪問說：「新亞書院嘅理念係奮鬥同刻苦，呢個懷舊嘉年華，佢哋好想請Ken嚟。」談到孫敬安與Ken為錢反目，盧敏儀說：「唔關事，Ken表達能力差啲，唔識講嘢，孫生都解釋咗件事，佢哋冇為錢不和，都有攬頭攬頸合照，個concert好有意思，我哋唔想為錢糾纏，嬲就一早唔搞啦，佢哋冇為任何嘢爭拗過。」
此外，近日為有線主持新節目《我的父親母親》的陳啟泰，昨表示有意找蔡楓華擔任嘉賓細訴他與母親的母子情。
採訪：王崇穎
攝影：陳慧安