鷹隊名宿韋健士（圖），周三喺母會主場勝魔術一仗作評述員，點知畀前NBA球證米查挑釁，米查就話韋健士爭佢約12,500美元嘅西裝錢未還，之前入稟法院追數不果，所以今次就親身追數，而韋健士就例牌否認，仲話啲西裝係米查送畀佢。呢單嘢認真「羅生門」，不過美國一網站就拍到當時韋健士打咗人幾拳，睇怕有手尾跟。