大部份西餐廳處理海鮮，多數用水灼熟再作凍食，用中式蒸爐原隻蒸熟卻聞所未聞，活生生的麪包蟹、登格拉斯蟹和琵琶蝦，迎着迷濛蒸氣赴黃泉，原來更能保留鮮味，中西合璧果然Work！
記者：徐務研
攝影：譚盈傑
Model：YoYo
浸暈蟹隻150℃蒸熟
新開業的西餐廳「Serenade」位於上環荷李活道近街尾，位置較偏僻，環境較寧靜，只偶有幾輛汽車駛過，裝潢簡潔不花巧，總體予人舒適感覺，是三五知己嘆海鮮暢聚的好地方，包場最低消費$12,000，可自備酒水，師傅更會為你度身訂做合你心水的餐單。
這店特色在於一個字──鮮。鮮者，有兩個意義，一，選用新鮮海產，隻隻鮮蹦活跳，總廚Marco：「我們用的都是頂級食材，如登格拉斯蟹及麪包蟹等，雖然活海鮮比冰鮮海鮮成本高很多，而且不方便儲存，但活海鮮一定鮮甜許多，冰鮮海鮮在溶冰過程中會流失鮮味。」二，客人即叫，店方即原隻蒸，一般而言，坊間大部份西餐廳，多數用水灼熟海鮮再放雪櫃作凍食，「Serenade」卻備有成本近萬元的中式強力蒸爐，能在短時間內提升至攝氏150度，上中下三層可一次過蒸二十隻海鮮，Marco：「蟹會先用冰水浸暈才放入蒸爐，蝦則直接放入蒸爐，蒸熟再放凉，確保最原汁原味，用水灼不是不好，但在灼的過程中，鮮味會點滴流失。」
原粒吃盡帶子
雖然新鮮食材成本高，但這店不會將價就貨，就如雜錦海鮮拼盤，包一隻麪包蟹，翡翠螺、愛爾蘭生蠔和海蝦各四隻，兩人食已經十分飽肚，索價不過$598，以多膏聞名的麪包蟹，膏蟹綿滑甘甜，像啫喱般自動滑入喉嚨，Marco：「每年十月至二月是麪包蟹當造期，蟹膏呈橙黃色，較硬有咬口，滿殼都是膏；其他月份的蟹膏則較滑，灰色膏較多，不過十分鮮甜。兩者同樣美味，只視乎個人口味。」生平怕吃蠔，滑潺潺濕似吃鼻涕，但愛爾蘭蠔確實爽滑鮮甜，絕無腥味，蘸紅酒醋更能帶出鮮味，Marco：「上碟前我會先開帶子，這樣就不會黏殼，以便客人原粒吃盡不浪費；不過因為手起刀落一刀下去，蠔便一命嗚呼，不懂吃的客人便以為蠔不活就不新鮮。」
想飽肚點，推介招牌菜加拿大象拔蚌意粉，Marco：「有次客人問我，象拔蚌可否不獨沽一味是刺身，我撞手神，料不到用電爐加至高溫爆香象拔蚌，可以逼出鮮味，秘訣要夠快，就不會過熟。」爆香後加白酒快煮，加橄欖油後快兜象拔蚌便可上碟，真的鮮味十足又爽口，要讚。
雜錦海鮮拼盤$598
份量十足，包一隻麪包蟹，翡翠螺、愛爾蘭蠔和海蝦各四隻，有四款醬汁選擇──右起酸甜Cocktails汁、他他汁、帶酒香的紅酒醋及甜酸辣俱備的泰式醬汁。Marco：「其實夠新鮮就不用蘸汁，視乎個人喜好啦。
象拔蚌扁意粉$148
加拿大象拔蚌較美國象拔蚌更白淨，蚌身較長較多肉，鮮味十足，因此成本亦貴一倍。師傅用高溫逼出其鮮味，手勢要夠快才好吃，特別考功夫，原來熟食更惹味。
登格拉斯蟹$64/100g
加拿大登格拉斯蟹，肉質出名鮮甜結實，吃下去啖啖肉，嗜蟹人士必吃。
琵琶蝦每隻$198
琵琶蝦簡直是海蝦和龍蝦混合體，肉質彈牙如海蝦，味道像龍蝦。
龍蝦湯$88
波士頓龍蝦頭及水蟹炒香，加雜菜和魚骨一起煲。一般做法會多放麪粉及牛油令湯身變稠，Marco卻用煲好的粥隔渣，加入湯令其更綿滑，呷一口甘甜滑溜，值得一讚。
香煎帶子刺身$158
美國帶子大大顆又鮮甜，煎得外脆內軟，用忌廉菠菜墊底，增加香滑口感又不掩帶子鮮味，上再撒番茄莎莎汁，用酸味吊味。
Serenade（25178322）
地址：上環荷李活道238號地下