嚟到南非，你一定會遇到「燈位達人」，尤其市區路面，一停燈位就會有幾個當地居民，向你兜售報紙，幾十秒轉綠燈後，又再縮回路邊等待下一次轉燈。有啲就出奇招，扮到成隻公雞咁，向你兜售印有笑話嘅報章（約港幣$5），總之各出奇謀。我最欣賞佢哋唔會玩明屈，夾硬塞報紙入車，且遇着交通燈壞咗，會充當「交警」，指揮十字路口嘅車行同停，並唔會喺交通混亂下仍纏擾住你，有品！