意甲「1哥」AC米蘭禮拜六會同國際米蘭進行米蘭打吡，保守估計喺呢場大戰中，呢兩間球會透過門券銷售、電視轉播、額外嘅廣告費，同埋球場現場及周邊嘅零售等，會錄得超過1,100萬歐元（約1.2億港元）嘅收入，今次仲唔發過豬頭。由於呢場波名義上係AC主場，所以佢哋會分得多啲錢，而佢哋喺歐聯16強出局唔見咗成千萬歐元，呢場米蘭打吡真係可以幫補吓。