自從拎番個書包，好少走堂（計番每堂要成千銀，點捨得走），但前日為咗帶大女參加興趣班，只得忍痛。因緣際會行經修頓睇波，極過癮。
對上一次坐喺修頓觀眾席睇波，應該係十幾年前拍拖嘅日子，同個女仔邊食嘢邊睇波，扮晒浪漫。若干年後諗番，查實附近有個垃圾站，陣陣異味，女方十成十死忍。今次除咗緬懷青蔥歲月，喜見一場平實比賽。我唔知係咩賽事，只見兩隊成年人裝備十足前仆後繼，又有親友打氣，驟眼睇其中一隊仲有教練，幾認真。平日下午成班人聚埋唔係為興趣為乜？政府官員多年嚟用咩態度推動足球？有冇慚愧？愚人節最大笑話係我贏到每月擂台，曼聯為冠軍就唔講得笑，熱W穩。
文：藍鑽石
星期六4
韋斯咸vs曼聯
心水：曼聯勝
心得：紅魔唔似會失策