熱火周三以123:107大勝「魚腩」巫師冇乜出奇，奇在巫師「狀元」禾爾（右三）喺第2節剩番約8分鐘，突然搏晒命去阻止熱火7呎3吋中鋒「大Z」伊古斯卡斯最高傳球，跟住唔知係咪得6呎4吋嘅禾爾食咗兩下踭頭，就發火撞埋大Z度，最後球證罰咗兩人出場；有份參與推撞嘅巫師中鋒麥伊、熱火嘅祖雲侯活都各罰技犯。睇見呢場大人同細路打交嘅鬧劇真係幾搞笑。