【本報訊】奇妙姻典證婚中心結業，準新人大受影響，其中準新娘陳小姐更可謂倒楣透頂，連同今次她已是第三度遇上婚紗及證婚中心執笠，名副其實的一波三折。陳母為之氣結說：「我由呢度（19樓現場）跳落去好過……」
準外母氣上心頭
陳母表示，現在對一站式婚禮服務中心全失信心，「個女原本幫襯羅浮宮（婚紗攝影）執咗笠，之後又有一單，家又整多單，你話有冇信心？」原來陳太女兒預算今年11月結婚，去年11月找羅浮宮婚紗攝影拍婚紗照，不料突然宣佈結業，幸好獲退還九成約9,000多元費用，損失千餘元。
其後，陳小姐轉而光顧尖沙嘴一間婚紗攝影公司，可是不久該公司又結業。今次女兒在網上找到奇妙姻典證婚中心，「點知呢度又係咁！」婚禮一波三折令她十分苦惱。記者問陳母：「你個女準備去邊度蜜月呀？」陳母更氣上心頭說：「救命呀，你唔好再問我呢樣嘢，我家呢壇都未搞得掂，我由呢度（19樓現場）跳落去好過……」
另一名準新郎梁先生表示，他前晚收到奇妙姻典結業消息，立即趕往查看，當時大門無鎖，他入內竟見到不少新人的個人資料亂放在枱上。梁先生覺得奇妙姻典十分無良。