成龍噚日接受商台電話訪問，首次開腔講早排喺北京吻別內地女星徐靜蕾單嘢：「當日仲有張靜初、趙本山喺度，徐靜蕾係嚟搵我傾祖名拍戲嘅事，我係禮貌地送佢上車錫啖，點知寫我用手按住佢狂吻，早兩日我見到章子怡都話嚟個徐靜蕾式錫。」成龍話對任何報道已睇化，好似日前傳佢死訊，陳自強喊住打畀佢了解，所以佢已經唔想再回應。