余文樂早前被網站指佢染有愛滋病，搞到樂仔好嬲，之後佢即刻出聲明否認，噚日樂仔就由台灣回港，戴住黑超嘅樂仔喺助手陪同下出閘，對於涉及愛滋病傳聞，佢話：「喺台灣回應好多次，同公司有共識唔再回應，公司會處理，自己心情亦冇受影響。」佢仲話有唔少朋友打電話安慰佢，但佢就強調自己冇事，做乜安慰佢，似乎怪啲朋友多此一舉。