【本報訊】市民要參觀大亞灣核電廠非易事，因為申請時提交的個人資料如職業、身份證號碼等，將悉數交予公安及武警審批，個別政黨、民間團體以至疑似入境黑名單成員是否能成行令人存疑。
大亞灣核電廠聯繫人陳小姐表示，參觀者須提早最少三天登記。被問及是否存在任何審查，她只表示：「要入核電廠係有兩道關，分別係公安同武警，登記嘅資料都會畀佢哋過目」。
須列個人資料及職業
她提醒個人資料如職業等必須詳細列明及準確，「工作單位要寫好來自邊間公司，擔當乜嘢職位。我哋收到你嘅電郵，就會按指示作出審批」。記者追問審批準則，陳小姐只表示不清楚具體安排。
陳小姐又表示，自06年起廠方已安排參觀團。今次透過微博發放參觀團的資訊，主要是響應環保廳的號召，望透過行程釋除公眾對核電廠的心理陰影，「我哋只係外圍參觀，你唔使太擔心，亦都唔需要預備乜嘢特別嘅衣裝」。