日聯計劃喺本月23日重開，鹿島鹿角亦喺上月31號復操。由於鹿島離發生洩漏輻射嘅福島核電廠只得160公里，於是會方日前搞咗個關於輻射嘅講座（圖），請咗幾個大學教授向球隊嘅100個職球員，講解一啲有關輻射嘅安全知識。另外，繼拜仁慕尼黑之後，阿積士亦會幫日本地震同埋海嘯災民踢籌款賽，會喺本月13日喺主場約戰日聯球隊清水心跳。