劉璇前晚到紅館擔任「鄭少秋．汪明荃．喜多郎新紀元2011演唱會」的表演嘉賓，劉璇手捧鮮花上台向阿姐獻花，並自言是阿姐的粉絲，她說：「我細細個就睇你嘅劇集，之前同你做過主持，仲記得做主持時喺你身上學到好多嘢，大家都好鍾意Lisa姐。」
照顧黃宗澤
劉璇自言心願是可以同阿姐合唱一曲，兩人即席演繹《萬水千山總是情》，阿姐更大讚劉璇是好有愛心的女孩子，大家在公司見面時亦會互相打招呼，她更踢爆劉璇和黃宗澤（Bosco）十分老友，阿姐說：「劉璇喺《女拳》真係好唔同，之前我探Bosco班，佢好弱，好彩有劉璇照顧。」劉璇即自爆Bosco也照顧自己，阿姐就大讚因為劉璇可愛才得人照顧。
採訪：李珮洳 攝影：仇志德