梁洛施和李澤楷早前公告分手，兩人的紅娘楊紫瓊昨日在香港出席活動時，坦言不想二人分手。楊紫瓊接拍緬甸民主象徵昂山素姬的傳記式電影，她透露去年與昂山會面時曾赤足度高。
楊紫瓊昨日在金鐘出席品牌Tod's活動，更設計了手袋義賣，捐助日本地震災民。談到梁洛施（Isabella）和李澤楷經她介紹認識，及後相戀，更育有三個兒子，如今分手結尾，問紅娘楊紫瓊感受如何？她說：「講真，我哋係熟朋友，任何朋友分手我都唔想，佢哋咁大個人，我好sure佢哋知道自己做緊乜嘢，最緊要係開心同照顧自己，我會送上祝福。」可會開戲給Isabella或幫助她復出？楊紫瓊謂留待Isabella自己回應。
楊紫瓊去年接拍以緬甸民主女神昂山素姬一生為藍本、由洛比桑（LucBesson）執導的電影《TheLady》，她透露電影預計於10月上映，她說：「我哋喺泰國拍咗3個幾月，後來又去咗巴黎、英國牛津郡取景，1月尾拍完。」
電影開拍時，昂山素姬仍未獲釋，楊紫瓊去年12月由昂山素姬幼子金．阿里斯穿針引線下，飛往仰光拜會她，楊紫瓊說：「第一次見面時，好似見到自己auntie咁，呢部戲籌備咗4年幾，過程中，我日日夜夜睇佢嘅書、interview，我唔係要模仿佢，而係要明白佢有幾堅強偉大。」
與昂山赤腳度高
楊紫瓊形容上次見面是一個探望家人的感覺，完全沒將電影內容和劇本告訴昂山素姬。兩人共處了一日，又一起吃晚飯，楊紫瓊說：「佢有好多獄中點滴分享，佢係一個坦白、直接嘅女人，感覺佢好掛住仔女。」
外間認為楊紫瓊和昂山素姬無論樣貌和身形都相似，楊紫瓊說：「個樣真係好似，我哋好奇邊個高啲，大家除鞋度，係一樣高！我覺得佢身形瘦啲，雖然瘦，但儀態、言行都好精靈，係一個有堅強才華嘅人。」她指昂山有看過她的作品，至於昂山兒子金．阿里斯更提議她在電影中加入動作場面。
採訪：梁錦雯 攝影：林德雄
