香港演藝界今日將於維園舉行為日本賑災的大型籌款活動《愛心無國界311燭光晚會》，逾300名各地藝人應邀參與，韓國型男權相佑亦來港助陣。由於出席藝人太多，成龍昨透露曾志偉和劉偉強就曾因歌手獻唱問題而頂頸，但最後和氣收場。
日本國難當前，香港演藝界今日將在維園舉行長達3小時的賑災騷《愛心無國界311燭光晚會》。除了韓國型男權相佑、日本藝人中村雅俊等專程到港外，日本人氣組合AKB48、韓國組合WonderGirls也會來港支持；台灣就有李宗盛、伍思凱，香港有劉德華、楊千嬅、容祖兒和溫拿等，鄭秀文因拍戲未能趕及返港，王菲也不會出席。
陳慧琳避席免成焦點
成龍昨在商台訪問中表示原本KennyG欲來港出席，惜已有300多位藝人參與，故未能安排加入演出。他又透露曾志偉與劉偉強曾因歌手出場次序等問題起爭拗，他又指今次晚會沒有版權，可任由媒體播放，而無綫翡翠台和有線今晚直播賑災活動，但亞視卻只安排在高清台播出。
擔任司儀的曾志偉昨與張艾嘉、陳美齡和鄭裕玲於九龍灣為賑災騷對稿，對於成龍爆他和劉偉強頂頸，他回應：「冇嘢，係安排啲歌前後唔啱，大家都係為件事好，冇任何芥蒂。今次人好多，我哋想個個都舒服，唔可以待慢外賓；Kelly（陳慧琳）都好想參與o架，但佢唔想嚟到變成焦點，所以先拍短片。」除Kelly外，渡邊謙、近藤真彥、LionelRichie和梁朝偉等俱會拍片支持。
陳美齡攜日籍夫亮相
提到有網友指賑災騷主題曲、由鄧智偉作曲的《不要輸給心痛》涉嫌抄歌，志偉則否認：「冇可能，冇一首歌咁啱配到呢啲詞，如果有都係有咁啱得咁蹺。我親眼睇住鄧智偉不眠不休用一日半時間寫，咁講對佢唔公平。」
同場的陳美齡與日籍丈夫金子力一同出現，她直言日本現狀很嚴重：「食水有問題，冇改善，特別住喺核電廠附近嘅人好嚴重，佢哋信日本復興要好多時間。」她認為暫不宜安排藝人訪災區：「嗰邊食水、食物同電油都唔夠，最緊要安全先。」
採訪：李珮洳、馬建華
攝影：王連連、陳慧安