英國超模姬蒂摩絲（KateMoss）來港出席代言活動，昨晚她入鄉隨俗穿旗袍剪綵，但沒做訪問。同場的劉嘉玲則交足功課，性感deepV現身，並談及日本地震令她感受深刻，現在她要好好細味生活，繼續造人大計。
時裝icon姬蒂摩絲昨晚以代言人身份，在中環出席法國品牌Longchamp旗艦店開幕禮，同場還有劉嘉玲、周慧敏、林建岳前女友陳浥萍和余安安等，大批女模如AnaR.和CaraG.等趕來一睹姬蒂摩絲真人。
「我會多啲陪老公」
姬蒂入鄉隨俗，穿上海灘的旗袍現身，心情大靚，笑容滿面，不過事前表明不接受訪問，一剪完綵即轉身走人，要司儀李浩林叫住，才返轉頭祝酒，但自顧自和高層碰杯後便火速閃走。
劉嘉玲以性感Gucci上陣，風頭毫不遜色，她更禮貌地表示希望和姬蒂見面。嘉玲今年爭影后，她讚對手楊千嬅做得好。至於勝算，她說：「平常心，攞唔攞獎都無損我對拍戲嘅熱愛。」她續說：「總之好好咁生活，好角色難求，拍片要好多精力。」嘉玲坦言受日本地震影響，感受也改變了：「地球喺度變，變得好快，災難一次大過一次，真係要珍惜。我入行30年，想好好咁生活。」
會擱置造人大計嗎？嘉玲說：「唔會影響，我家想細微啲咁體會生活，以前好急咁過去，家要淡定啲睇每一眼，BB嘅計劃係依然，等天打卦，我會陪多啲老公，珍惜大家見面機會。」
周慧敏死挺倪震
此外，倪震計08年被影到啜爆張茆後，早前又被發現夜會嫩口女伴，二人揸車去元朗吃壽司。周慧敏昨晚繼續力撐老公說：「成件事係三個人食飯，正常社交係光明正大，唔需要小題大做。」事前倪震有否向她備案？周慧敏說：「唔使報案，我哋彼此冇秘密，對大家嘅行蹤瞭如指掌，佢係我另一半，我會信任佢，尊重佢。」
採訪：JessicaNgan
攝影：WongWaiHung