假如公司業績唔係幾好，你估啲董事會加人工抑或減人工呢？平保（2318）嘅年報顯示，舊年實現淨利潤179.38億人仔，同比只係增長23.9%，都幾平平無奇，但係要留意，董事長馬明哲（圖）份人工，喺「沉寂」兩年之後，原來已經重新反彈到千萬級別！
查實平保因為係國家第一間股份制嘅保險公司，班高管嘅人工一直都俾外間關注，尤其係馬總。
2007年嗰陣，呢個平保一哥係收6600萬一年嘅；2008年因為投資海外勁蝕，所以佢冇收人工；到咗2009年情況稍為改善，佢都係收289萬底薪啫。
但係點解2010年會大幅加薪仲跑贏埋平保業績嘅升幅呢？華華都好想聽吓馬總點講。