明天4月1日是張國榮逝世8周年，因為合作《阿飛正傳》和他成為好友的鄧光榮卻在3月29日猝逝，香港演藝界相繼痛失兩代偶像。鄧光榮當年出錢出力成立大榮電影公司，力捧當時還是編劇的王家衞做導演，成就了對方今天成為國際知名大導。當年鄧光榮支持他開拍《旺角卡門》和《阿飛正傳》，皆叫好不叫座，後者雖獲獎無數，但據悉《阿》片卻害老闆賠了千多萬，自此雙方終止合作。
但鄧光榮始終是王家衞的恩人，故前晚王家衞得悉舊老闆逝世後十分哀痛，他在電話中說：「喺我心目中，大哥係一個好健康、開朗嘅人，當我聽到呢個消息，我好震驚同難過，佢係我一個好朋友，同埋老闆，佢亦係第一個支持我同鼓勵我去做導演嘅人，同埋佢分享咗好多做導演嘅經驗畀我聽，所以我會永遠懷念佢，希望佢嘅家人節哀。」
張同祖：好難過
張同祖認識鄧光榮超過30年，前晚聞訊簡直不能相信：「唔係啩，我真係接受唔到，點解會咁？人真係化，咁就去咗！我同大哥搞大榮公司時，佢對電影好有熱誠，可以話係一個好老闆，對導演嘅忍耐力超好，聽到佢過身消息，真係好難過。」
採訪：林妃