周柏豪同鍾舒漫等噚日出席新城活動，日前何超雲同陳山聰被撞破一齊去澳門，柏豪話唔回應呢件事，問佢係咪驚再俾人話？佢話：「唔係，係唔關自己事，盡量唔回應。」超雲同山聰被影到，問柏豪係咪甩身？佢話：「平常心。」柏豪所屬籃球隊橫洲工業下月中打總決賽，佢話：「余文樂同另一個隊友都有傷，但我有信心贏。」