曾志偉昨日在文化中心出席金像獎活動時，對於鄧光榮死訊，志偉表示的確很詫異，他說：「同每個朋友講，反應係『吓？唔係嘛？』佢一向身體好好，成日做運動，佢呢幾個月仲戒咗酒，得閒就放狗行山打golf。」有指鄧光榮是心臟病發，志偉說：「唔知呀，我聽聞佢呢排成日勸啲後生仔唔好飲酒，話心臟唔好，可能佢睇咗醫生都唔定。」
陳自強前晚有到鄧家商討身後事，志偉表示有與陳自強聯絡，並說：「佢話當時外面好多記者，屋企人就話希望大家靜落嚟，因為鄧光榮阿媽喺度。」知否鄧光榮可有遺願？志偉說：「冇乜，太突然，唔覺得有嘢要講定先嘛，我之前見佢仲嘻嘻哈哈咁。」鄧光榮是否想再拍戲？志偉說：「有提過，叫我話有啱嘅角色同佢講㖭，幾日前先同佢打golf。」
採訪：溫敏芝
攝影：仇志德