一直都傳無綫非戲劇製作總監何麗全（圖）會離巢，噚日無綫終於證實何麗全今日正式離職，何麗全服務無綫30年，盛傳佢會去now助陣，佢今次轉工應該下咗好大決心，同埋新公司福利一定相當吸引。無綫發言人曾醒明話，何麗全喺無綫嘅職務會由總經理陳志雲代理，對於何麗全離職，曾醒明話唔捨得，仲多謝佢多年嘅貢獻。