日本當局打算用特殊塑膠布（圖）或樹脂減緩輻射外洩，本港專家認為可行，但擔心一旦通風設備未能排出所有氫氣，就會再釀爆炸。
理工大學電子及資訊工程學系講座教授胡仲豪指出，現時福島反應堆外五公里範圍的輻射水平，已超出切爾諾貝爾出事時的水平。「今次輻射係強啲，但影響範圍比切爾諾貝爾細好多好多，只係方圓20公里嘅事。目前最緊要係阻止輻射塵全世界周圍飛。」
他認為，在反應堆套上特殊膠布，可有效阻止帶有放射物質的塵埃飄揚，雖然放射線能穿透膠布，但影響範圍只有數吋至數十米，「塵可以飄落東京，放射線好似燈膽嘅光線，企遠少少已經照唔到」；至於在內機組髹上樹脂，能吸引塵埃黏附，與塑膠布一樣阻止輻射塵飄揚，雙管齊下更有保障。
胡仲豪唯一擔心塑膠布的通風設備能否排出所有氫氣，若氣體仍積聚，塑膠布或破掉報廢，「如果爆炸，整穿層膠，又係多餘」。儘管如此，他認為此法值得一試，如果成功，相信輻射水平將大幅降低，「家外洩咁嚴重，日本對其他國家解釋唔到，點都要做啲嘢」。
本報記者