近月言論好出位嘅美聯集團（1200）黃錦康（圖）出位成功，噚日仲同黃建業老闆個千金黃靜怡，雙雙獲擢升做副主席。
華華噚日中午出席記者會時未有流出半點消息，近月黃錦康不斷以高姿態評論樓市，先後以「非理性亢奮」同「錯誤安全感」評論樓市將出現轉角，當時正藉火紅樓市，黃氏當頭棒喝知音者難求，潑冷水出力唱淡樓市。
噚日黃氏再次語出驚人，話當政府加大力度推地以期緩和樓價嘅時候，佢擔心土地政策「亡羊補牢」，有機會重蹈前特首董建華「八萬五」政策嘅覆轍，而出現「錯上加錯」，建議政府制訂供應政策時，應配合近二十年平均2萬伙嘅需求量。