現年40歲的許秋怡認為女人的終身事業是經營一個幸福家庭，老公王書麒錫到燶，囝囝Cody精乖孝順，令她非常滿足。
搬近學校
一直居住元朗的秋怡，為了就讀男拔萃小二的Cody不用每天舟車勞頓，她日前作了孟母三遷的決定，一家三口搬到何文田居住，她說：「我見Cody每日要一早起身返學，日日花喺交通嘅時間好長，讀書已經好大壓力，瞓都唔夠瞓，我心痛死，所以同老公商量要搬出巿區，我哋最近先搬咗去學校附近，囝囝朝朝早可以晏少少起身，精神夠啲，上堂都可以集中精神。」
秋怡享受做媽咪多過上台唱歌，她說：「Cody再過多幾年獨立啲就會有自己生活同朋友，到時就唔會咁黐我，所以趁佢仲黐身，我要好好珍惜呢段時間。」