卡比路（圖）接手英格蘭國家隊都差唔多4年，不過呢位意大利籍名帥學英語嘅進度都好慢；日前佢就自爆平時同球員溝通，靠繙譯外，自己用唔到超過100個英文單字，好似傳球、入球、防守呢啲名詞外，人名只係識泰利、里奧、謝拉特、林柏特，唔怪得佢召嚟召去都係呢班人啦。另外，卡比路又奉勸韋舒亞同安祖卡路爾唔好飲咁多酒，佢又知唔知英文飲酒、飲醉等係點講呢？