內地最巴閉基金經理王亞偉（圖），管理嘅華夏基金剛剛出咗年報，裏面原來有好嘢益街坊。
呢位喺06至08年創下超過7倍回報嘅傳奇人物警告，創業板等高估值股份會面臨爆破，叫投資者小心喎！言猶在耳，大陸創業板指數噚日勁跌3.1%，加埋前日跌咗1.9%，兩日已經冇咗半成，莫非大陸散戶聽到「指示」要行動？
對於A股，王亞偉講到明，今年機會集中下半年，隨住通脹勢頭回落，下半年股市會迎來轉機。至於揀邊啲股份，佢話「調整充份的房地產股存在估值修復的機會」，咁即係內房股買得？
睇番年報，上季王亞偉將地產股加倉到19%，真係唔係齋吹水喎！