足總會喺下月中嘅特別同人大會投票表決改革方案，如方案得到四分之三屬會支持，「鳳凰計劃」就可以上馬，而政府亦會「開水喉」增撥資源支援香港足運發展；不過，我求大俠最近聽到部份乙、丙組球會反對呢個計劃，令到改革存變數。觸發乙、丙組球會反對嘅原因，除咗因為佢哋嘅訴求未必可以喺短期內達成，更關鍵為改革顧問建議足總改革管理架構、日後由主席同CEO主導；有現任足總高層擔心日後冇得代表香港出去外國開會，決定搵手握過半數票嘅乙、丙組人士一齊反對改革。足總顧問伍健（圖）早兩日喺facebook撰文話方案唔通過，政府就唔會放水，球圈人士睇怕真係要齊心啲喇！