日本天災後，港府派出支援隊去東京協助滯留港人，包括由警隊組成嘅15人應變支援小隊，當中包括兩名警花。喺學堂畢業兩年、識日文嘅西區警區CID女督察戴欣臨危受命，最新一期《警聲》披露其心路歷程。
戴欣話啟程前已知核電廠出事，此行吉凶難料，為怕母親擔心，所以唔敢講畀阿媽知去日本。去到東京，戴欣話繙譯、搵路、接洽，以至擔擔抬抬乜都要做，日日無覺好瞓食無定時，加上擔心中輻射，所以壓力好大。
另一警花鄺靈楓督察則稱當局為支援隊提供充足裝備，上至碘片口罩保護衣，下至乾糧罐頭食水都一應俱全，足足有90幾箱物資，回港前將剩餘物資捐予災民。