朗尼繼續踢國際賽，朗尼嫂高蓮（圖）就風流快活得多，同屋企人到咗加勒比海巴巴多斯度假；日前高蓮就着咗件藍色三點式泳衣曬太陽，英國狗仔隊影完相不特止，仲屈佢唔撐老公踢嘅曼聯，走去支持車路士。呢單嘢真係屈得就屈，着藍色又話撐車仔，唔通着白色又話捧皇馬，着黃色又話撐巴西，唔通放風話想同朗尼生多個嘅高蓮，以後只可以着紅色咩。