▲上個月英國《金融時報》披露，滙控（005）內部舊年爭論外聘專才接替主席同行政總裁，改變傳統由內部升遷時，持有大量滙控股票、同「獅王」關係密切嘅李嘉誠，係其中一個反對聘請外人接任主席嘅關鍵人物。超人被問及此事時，佢話自己曾擔任滙控副主席同董事十幾年，唔會喺集團業績記者會上評論事件，佢只係拋下一句「滙豐係一間好銀行。」資料顯示，李氏喺92年辭去滙控副主席職務。