唔少球星都視國家隊比賽係雞肋，不過杜奧巴肯定唔係咁諗；雖然科特迪瓦爆發內戰，周日場非國盃外圍賽對貝寧，要移師中立場加納比賽，杜奧巴一樣冇縮沙。象國靠佢梅開二度以2:1反勝貝寧，「魔獸」賽前更同隊友高舉「科特迪瓦和平」嘅橫額，認真有心。講時講，呢場波同唔少非國盃外圍賽一樣，足智彩都冇開盤，佢哋唔開係驚政局問題，定假波問題呢？