聯賽暫停，日本國內球員一樣冇偷懶，仲好熱心協助災民；好似位於重災區仙台市嘅維加泰，一眾球星包括柳澤敦，周一就到宮城縣石卷市災民收容所探訪，同一班受災小朋友踢番場友誼波（圖），又身體力行搬運泳池水清潔廁所等。球隊教練手倉森誠仲講，新一季維加泰會代表災民，努力咁喺比賽中戰鬥。