Mr.Phone　愛音樂Apps

究竟係用手機？定玩手機？每個人對手機要求唔同，答案自然有啲唔同。日前撞到潮人樂隊Mr.，傾談間發現佢哋除咗樂器、音樂玩得精，玩手機同樣好耍家，甚至會用手機Apps嚟練習樂器㖭！

記者：許福合
攝影：梁細權

查詢：MeToo（31070008）

影相拍片上網

Mr.五子作為潮人代表，基本上一人一部智能手機！用乜機？同小記預測接近，四個iPhone4，惟Dash用DesireHD：「想試新嘢咪轉用Android囉！」。平時玩機有乜搞作？佢哋異口同聲話，主要係上網為主，例如睇工作排程，亦會幫隊Band影相拍Video，放上微博；鼓手Tom就提到會上網購物，再用手機睇住送貨流程，佢仲即場指出用作演出嘅一隻鼓，原來係佢上網買返嚟o架！

用Apps玩音樂

作為音樂人，原來手機喺音樂上亦幫到手，結他手MJ就介紹《AmpliTube》，佢可透過iRig接駁器連接結他，滙入歌曲去彈奏，又可模擬到多種效果，MJ說：「開Show前會用佢嚟練習。」鼓手Tom亦有App推介：「《Metronome:Tempo》係個節拍器，有精準同穩定嘅節拍，對鼓手好實用。」有無用Apps幫手作曲？Mr.答案係「仲搵緊一個功能齊全嘅App！」

玩App睇Mr.×鄭融

玩App唔只係潮人，仲可以係音樂發燒友，你只要下載《HennessyMix》（免費App，有iOS及Android版），你就有機會得到《軒尼詩炫音之樂──Mr.×鄭融》巡迴音樂派對門票。想知點玩？立即搵Mr.親身示範！

StepbyStep

1.用HennessyViewer六種不同擴展實景效果，拍下最值得紀念興奮一刻。

2.將相片上載到facebook與朋友分享，即可收集軒尼詩印章，收集到最多印章的前五名，就會得到「Mr.×鄭融」4月1日巡迴音樂派對門票兩張，（門票價值$300，另包兩杯HennessyMix飲品）。

Mr.常用Apps
AngryBirdsRio　等開Show必打

等開Show，Mr.話鍾意打機打發時間，最近勁煲阿Rio，仲就快煲爆咁話！

KMB　遊巴士河

Tom愛遊巴士河，最近勁玩《KMB》，有建議巴士路線兼落車提示！

GoogleMaps　唔知碇搵路

Mr.好多時要去不同地方工作演出，地圖軟件會係好幫手，唔怕蕩失路嘛！

微博實況Update

與好多歌手、藝人一樣，Mr.會將佢哋近況、相片分享到微博。