蒙嘉慧同張繼聰噚日以大使身份，出席喺大潭舉行嘅「步步獻光明」起步禮，佢哋仲同大家一齊做熱身運動。蒙嘉慧喺台上講到一啲探訪經歷忍唔住眼濕濕，事後佢話：「諗起啲情景就忍唔住，其實香港人真係好幸福。」張繼聰老婆謝安琪近日因腸炎入咗醫院留醫，張繼聰話：「佢好番好多，返咗屋企，但醫生要佢休息多啲，可能要休養多一星期。」