一直善心爆棚的周慧敏（Vivian），近日獲內地慈善團體表揚，前日她到上海接受中國國際文化傳播中心頒發委任狀，成為首位藝人獲邀擔任本年度中國愛心大使，並同時出席一個關懷雲南及日本地震災區慈善晚宴。Vivian還捐出兩件個人物品拍賣，包括一隻限量版鑽石名錶及一支剛陪同她完成個唱的私家咪，合共籌得30萬人民幣。
讚柏原細心
Vivian表示：「除咗賑災以外，我都想幫一啲弱勢社群，改變世界嘅唔公平，我想趁自己仲年輕參加唔同嘅慈善公益，回饋社會係自己嘅福氣。」提到之前香港演唱會請來日本好友柏原芳惠做嘉賓，Vivian說：「佢走嗰日，我親自送佢去機場，當中我錄咗段說話為災民打氣，佢仲好細心教我。」
撰文：葉雪