【本報訊】去年狂賺120億元的港鐵決定六月起平均加價2.3%，激起不滿，有中學生昨日在公開論壇質問港鐵主席錢果豐：「一年365日，你有幾多日會搭地鐵？」錢果豐承認平日甚少乘搭；學生事後批評錢果豐和支持港鐵加價的官員完全不知民間疾苦，「政府派畀市民嗰6,000元，原來係用嚟畀返港鐵」。
政府派6000畀番港鐵
錢果豐昨出席青協論壇，有近千名大學和中學生參加。其間香港四邑商工總會黃棣珊紀念中學中五學生李佳斌為表對港鐵加價不滿，提問時不惜犯險「離題」，當面質問錢果豐：「你係地鐵最高話事人，最大話事人，但一年365日，你有幾多日會搭地鐵？會同返工一族逼上班？」惹來全場掌聲和應。
錢果豐回應時面帶尷尬笑容，指「我要承認，我返工唔係日日搭地鐵，不過我去親機場，好多時都係搭火車（機鐵），因為我覺得比較綠色」。他又不忘補充，「我自己喺中環因為有唔同辦事處，我好鍾意行路」。
李佳斌活動後直斥錢果豐和支持港鐵加價的官員「根本唔知民間疾苦」，未能體會市民飽受通脹壓力之苦，「政府派畀市民嗰6,000元，原來係用嚟畀返港鐵！」
錢指摘市民輸打贏要
錢果豐活動後被傳媒追問港鐵去年盈利高達120億元，為何仍要提高車費，向市民「開刀」時表示，可加可減機制是當年港鐵放棄自由定價機制換來的，現時加幅「好難有所變動」。他又指，港鐵去年盈利大部份是來自本身資產估值增加，「真正核心盈利我諗80幾億左右」，錢果豐又稱：「我哋係一個上市機構，對我哋嚟講，盈利係我哋責任」。對於可加可減機制是否有檢討空間，錢指「你哋唔可以輸打贏要」。