Ｑ：大亞灣翻版福島事故，市民點做好？Ａ：無乜好做，因為新聞一定封鎖，到知道時已經太遲。
Ｑ：自備輻射探測儀有冇用？Ａ：衰多幾錢！政府告你散播謠言，即時判監五年。
Ｑ：大亞灣和廣東其他幾個核廠出事，有冇得救？Ａ：反問你，豆腐渣校舍，八級地震一來，有乜下場？
Ｑ：廣東幾個核電廠宣稱最大最先進，它們是第幾代？是否愈新款愈安全？Ａ：與手機一樣，輻射量沒有在廣告中提及。不過核廠不是iPhone，消費者無從選擇。不妨remind自己，今年元旦iPhone無緣無故alarm失靈，有冇玩死你？Apple咁大間廠，冇人解答到，點解最低技術的響鬧功能會仆街。
Ｑ：爆廠後，美國撤僑，遠離福島八十公里範圍。香港可以怎樣撤？Ａ：大亞灣在六十公里外，可以想像，香港就是溶解中的燃料棒，香島死士，絕對是福島五十人的千千萬萬倍！
Ｑ：國際社會不會見死不救吧？Ａ：會！千萬別忘記2003年沙士一疫，香港孤島比福島更慘，直情神憎鬼厭！
Ｑ：我愈諗愈驚，驚到叫阿媽去搶鹽，點算？Ａ：建議你餐餐鹽焗雞和鹹鴨蛋送飯，食足三個月，仍然未發癲的話，即是世界末日還未到。加油！