沈嘉偉問：「你最強係做乜？」
黃偉文答：「買嘢囉。」
沈嘉偉再問：「咁你買一間舖頭啦！」
黃偉文再答：「壓力太大，不如十日啦。」
為期十天的WymanxI.TPopUpStore「YI.T」，就是這樣在去年巴黎晚上的街頭茶室，潮人黃偉文（Wyman）和I.T老闆飲着茶半小時內拍板上馬。Wyman2011春夏季為I.T做客席時裝買手，在全球各地揀衫入貨，將中環雪廠街I.T店，變身只賣十天的YI.T快閃舖。
黃偉文日前在中環接受訪問，表示「茶」其實早在04年開始飲，他說：「大家都咁愛時裝，成日話要搵啲嘢搞，但一直有熱血，冇渠道，一直帶波，交咗好耐，一直冇射球，帶咗六年波，驚住老晒再踢唔到，終於喺人在外國、最有限時間內，逼咗呢個題目來。」
當自己入貨
Wyman愛買衫，人所共知，今次其YI.T要買齊男女裝，Wyman揀選了英國、德國、日本和中國等超過十個品牌，包括他口中七彩cutie男裝之父、比利時大師WalterVanBeirendonck、有力為日本時裝美學補位的Phenomenon、英國最具影響力的LuluKennedy等春裝。
買衫給自己和買給人是兩回事，Wyman說：「我當係買畀自己o架，因為自從做咗時裝之後，好多人想去我衣櫃參觀一次，或者跟我去shopping一次。今次係一次過解答晒大家嘅問題，呢間popupstore係將我衣櫃入面抽取一個樣本出嚟，放喺中環十日同大家分享。」女裝又如何？他說：「我會諗，如果Wyman係女人，會鍾意嘅衫。」
最怕陌生人
YI.T將於本周五開業，將自己衣櫃放在鬧市任人睇，更有成績表（賣貨），不緊張才怪。Wyman在訪問前一晚只睡了三個小時，全日輪住有五六個訪問，訪問中段更開始作病，頭暈發冷。他說：「到呢刻為止都好容易好happy，最慘係見到陌生人，呢樣係最擔心，不過今次有時裝做媒介，我成日都話有時裝就有朋友，冇問題。」
玲姐證眼光
在買買買的過程，Wyman最開心是一次印證自己眼光的經驗，就是決定入EkThongprasert，他說：「呢個比利時品牌係有一位泰國設計師在內，舊年我哋行fair時，個個都話冇乜特別，同行有經驗嘅buyer都冇反應，但我覺得幾好，入咗。後來玲姐（川久保玲）每年聖誕會欽點一啲新人設計聖誕禮物，就係揀中佢，當日個檔冇人理，家大家要買就要嚟我呢度。」
後記：
「仲有無？」
這句不是出自Wyman的口，而是他將在pop-upstore坐鎮三天內，最想聽到的話。
英國女設計師RoksandaIlincic畢業於CentralSaintMartins，05年在Topshop贊助下推出首個系列。
「今次有兩個品牌要平反，RoksandaIlincic係其中一個。佢玩簡約立體剪裁，好多人都玩，但佢玩得特別啲，將一幅布好完整、又簡單就玩到女性線條。喺香港佢經歷過三間時裝店，都從來冇得到好嘅宣傳或者待遇，被人drop咗，咁好嘅裙香港唔應該冇！我之前入咗pre試賣，反應好好，證明香港人嘅品味好ready。」
大師級的WalterVanBeirendonck是比利時時裝的當代傳奇人物，80年代成就著名的AntwerpSix，香港人較為熟悉，則應是他設計的副線W<。
「情意結！Walter係我最尊敬嘅時裝巨人，有實驗性，又歡樂，對唔同體態嘅男人都包容。佢係七彩cutie男裝之父，係教父級人馬，我哋今時今日有咁有趣味、另類嘅男裝着，JeremyScott之類，都係由佢嘅營養度變出嚟。」
日本潮牌Phenomenon是Wyman今次大力推介，品牌由日本綽號BigO的設計師TakeshiOsumi（武大隅）於04年創立。
「今次努力推介日本品牌，係有私心嘅。近幾年日本冇乜猛將，我好想復辟日本時裝美學。講時裝，喺Number(N)ine、mercibeaucoup之後，就無咁有趣、上到大枱嘅人出現。Phenomenon有水準，趣味上諗到嘅又做得到，有大師風範。」
夥GroundZero賑災
黃偉文在為期十天的YI.Tshop，特別加入charitysale企劃，為日本大地震賑災。今次由設計美金tee的GroundZero出手，玩箭牌香口膠，設計了白箭、黃箭、綠箭三款tee和tunic，由周六開始發售，慈善tee扣除成本撥捐香港紅十字會。
採訪：DebbieLum
攝影：MatthewLam
示範：James、DariaofStyle
髮型：KeithWongofOrient4
場地提供：I.T（中環雪廠街）