好耐好耐以前，只有大陸各大小省市南下招商，吸引香港同胞同洋人去佢哋度做生意；時移世易，家調轉係洋人嚟招商，吸引內地同胞走出去。好似花旗國芝加哥市長戴利（RichardMDaley）咁，臨卸任前都嚟番次香港遊，推動中美貿易。
華華老友話，Daley今明兩日會喺香港展開佢嘅招商之旅，除咗會同我哋嘅曾特首見面，仲會見吓唐唐，傾吓芝加哥同香港之間，商業同旅遊業有咩發展商機，而佢呢次招商頭炮，就係今日（星期一）下晝宣佈香港直航芝加哥嘅國泰新航線，真係誠意到爆！
老友又話，Daley此行其實係想呼應胡錦濤同奧巴馬「一個新Partnership」嘅講法，所以佢會宣佈埋搞一個Chicago-ChinaFriendshipCampaign，總之，Daley係想推動多啲投資者去芝加哥投資，令芝加哥呢個「HeartofAmerica」成為花旗國最ChinaFriendly嘅城市！嗯……照華華睇，搵個華人接任咪仲ChinaFriendly！