特稿做啦啦隊梗係要笑

特稿
做啦啦隊梗係要笑

我咁大個女都是第一次踏足亞洲,今次在大球場表演,好多人問我們着小背心、迷你裙會不會凍,說真的,相對於英國,香港的天氣已很溫暖。你見我們個個都笑容燦爛,一來是職業需要,做啦啦隊員,怎可以不笑?二來是想用我們的笑容及勁舞,令近期受天災影響的球隊及球迷暫時忘卻憂傷。

鍾意熱刺鍾意碧咸

今次在香港的表演,所有舞蹈都是我編排的;好幸運,3年前加入ALLSTARZZ不足8個月,剛好有位排舞員離職,我就頂上;但性質仍是業餘舞蹈員,一周練3天,其餘日子就做些不同性質的工作,包括在健身室做接待員。
這3年,最難忘是去年聖誕節做世界飛鏢錦標賽的啦啦隊,一做就10個晚上,很過癮。聽講香港人好鍾意英超,我都鍾意睇,我曾做過韋斯咸的啦啦隊,自己鍾意熱刺,無得解,因為近我住的赫特福德郡(Hertfordshire),球星就最鍾意碧咸,覺得他太太維多莉亞很幸運。周日決賽完結,就要搭夜機返倫敦,希望走之前買到一隻錶和戒指,還有一件寫上「IloveHK」的紀念tee。