孫耀威、農夫同鍾舒漫噚日出席喺沙田舉行嘅新城活動，孫耀威話即將去台灣幾個月籌備國語碟，同女友陳美詩分隔兩地，問女友會唔會去台灣探佢？孫耀威話女友拍緊新劇，要有時間先得，佢話家人大咗，為做嘢唔會唔捨得，仲派定心丸話唔會好似細個咁花心。農夫就話知道舊老闆陳冠希重返娛圈，仲話如果有機會希望可以再合作。