日本發生世紀大地震，引發福島核電廠接連發生爆炸，造成輻射外洩，連東京也受到影響，陳冠希經營的時裝店有不少貨源來自日本，問他會否受到影響？他滿有信心說：「唔會有太大影響，因為日本有好多牌子嘅服裝其實係交畀內地做。」
佩服日本人處變不驚
Edison續說：「不過睇到今次日本大地震同海嘯，感覺好似有啲世紀末日，我喺日本有唔少朋友，所以我都有打畀佢哋，知道所有朋友都安全，縱使輻射有可能威脅東京，但佢哋都冇打算離開，睇到佢哋啲國民遇大災難，一樣處變不驚，好有秩序，真係好值得我哋學習。」
有預言指2012年是世界末日，問Edison會否擔心有這天？他看來對這方面頗有研究，他說：「有好多人話YellowstonePark嘅火山（美國黃石公園）開始有異象，隨時會爆發危機，引發全球性災難，但會唔會真係發生只有天知道，經歷咁多事後，我覺得每一件事情發生總有佢嘅原因，只有平常心去面對，不過聽講就算有任何世紀大災難，都好似唔會影響到澳洲，所以我都打算今年去澳洲買屋、買地，做好準備。」