皇馬年年揮金如土咁擴軍，自然要增加收入，好似波衫咁，年年都要出新款；繼之前公佈第1同第2作客波衫後，球隊亦出埋下季主場波衫設計，純白色主色就冇得改，今次就加入金色「三間」線紋，希望繼續吸金成功啩。而皇馬嘅吸金王基斯坦奴朗拿度（圖、C朗），趁自己受傷免役國際賽，周三為意大利名車瑪莎拉蒂喺馬德里拍新廣告，真係識把握時機。