Edison曾經很努力想打進荷李活市場，希望可以爭取更多演出機會，只可惜困難重重，反而他以自己的CMD娛樂公司向海外拓展頗有成績。
冧掂GaGa開騷
Edison協助老闆林建岳的東亞娛樂公司洽談LadyGaGa來亞洲開巡迴演唱會，令外界和老闆對他的能力另眼相看。Edison微笑說：「因為我同GaGa經理人好熟，咁咪試吓傾囉，今次我只係一個中間人角色，傾得成都係東亞去搞。呢幾年喺L.A生活，我搵番自己，朝住一個正確方向去努力。」
對於其CMD娛樂公司拍檔DJTommy與農夫一起離巢，問到對公司有沒有影響？Edison說：「當然有影響，但又唔可以話佢帶走農夫，因當日都係Tommy帶佢哋入嚟，不過公司嚟緊都會有啲新人推出嚟，另外又會出何超儀隻碟。」