呢季啲日劇唔係太啱睇，咁啱好幾齣幾季前嘅作品好似係《白夜行》、《Change》同埋《華麗一族》等都未睇過，於是將舊劇當新劇睇。講開《白夜行》，作者係東野圭吾老師，個古仔梗係掂啦，但係男、女主角就唔係太襯。雖則綾瀨遙同埋山田孝之喺《在世界的中心呼喚愛》合作過，不過個人認為綾瀨太大件頭同成熟，拍落山田完全格格不入，佢都係同藤木直人或者大澤隆夫襯啲。嚟緊4月有綾瀨同大澤主演嘅《仁醫》第2季，真係好期待。
今晚歐國外，心水之選梗係愛隊德國。德國贏唔到哈薩克，等同俾叉燒包鯁死，機會都係零，問題只係德軍贏幾多粒。首循環作客都贏3:0，信佢哋入到半打。
青蛙仔
星期六20
德國vs哈薩克
心水：德國「主其他」
心得：唔信呢場有奇蹟