阿Sa（蔡卓妍）和Angelababy（楊穎）兩個陳偉霆的新歡舊愛，前晚首度同場出現，兩人皆表現大方，其後更在場內合照。有海綿蛋糕愛情滋潤的Baby，揚言不會回望過去；至於熱戀中的阿Sa，就笑言要合埋眼睇William床戲。
陳奕迅、蔡卓妍、Angelababy、周麗淇和潮人黃偉文等，前晚在尖沙嘴出席adidas派對，各人均品牌運動衣上身，惟獨雷凱欣低胸出現，公關方面直認沒邀請雷凱欣，暗示她白撞，不過其後又改口。
阿Sa和Baby這兩個陳偉霆的新歡舊愛，前晚首次同場，兩人各自入場。Baby對於與阿Sa同場，她大方說：「我為工作而嚟，第一次見面，之前都未見過佢。」可介意合照？她說：「唔知呢，我冇所謂，冇乜嘢，人都要向前望，goon自己嘅生命。」兩人可以合作嗎？Baby說：「唔諗咁多。」會否看舊愛陳偉霆的新片？她表明不知道時間是否許可。
陳偉霆對出局失望
阿Sa也表示不介意與Baby合照，她說：「真係冇嘢，希望大家唔好令到我哋咁尷尬啦，總之大家生活得開心就得。」提到男友陳偉霆日前代表香港參加亞洲超級新星大賽，第一圈就出局，阿Sa說已安慰男友：「佢有少少失望，我有安慰佢，佢都冇事囉。」
William在新片《出軌的女人》中與夏文汐有床戲，阿Sa謂會捧場，她說：「隻眼開隻眼閉。」沒眼睇？她笑說：「唔係，係一隻眼合埋，一隻眼瞇埋，其實佢拍嗰時，我哋都唔係好一齊。」
陳奕迅是品牌全球代言人，他指贊助也惠及囡囡，但不想女兒太物質主義，她說：「我仲掙扎緊幾時先畀手提電話佢用，不過佢都唔係太物質，成日睇書。」
採訪：梁錦雯 攝影：陳俊強
